Síðan hefur verið endurunnin; fengið nýtt útlit, auk þess sem upplýsingar eru settar fram á annan
hátt. Síðan mun áfram verða í sífelldri þróun með það að leiðarljósi að hafa upplýsingar ávallt
aðgengilegar, handhægar, áreiðanlegar og hlutlausar.
Markmið heimasíðunnar er að greiða fyrir aðgengi að upplýsingum til notenda; fólki sem hefur áhuga á að fræðast um ábyrga spilun og peningaspil, fólki með spilavanda eða spilafíkn á öllum aldri og aðstandenda þeirra, fagfólki og annarra sem hafa áhuga á málefninu.
Ef peningaspil leika of stórt hlutverk í lífi þínu og eru orsök vandamála er vert að staldra við og líta til þeirra úrræða og aðstoðar sem stendur til boða. Á þessari heimasíðu finnur þú ýmsar upplýsingar um spilavanda og spilafíkn sem geta hjálpað þér. Til dæmis getur þú leitað svara við spurningum og metið áhættuna á spilavanda hjá þér með að taka próf. Ef niðurstaða prófsins bendir til að þú eigir í verulegum vanda vegna þátttöku þinnar í peningaspilum er skynsamlegt að leita sér frekari aðstoðar með því að hringja í hjálparlínu, leita til SÁÁ, eða til annarra meðferðaraðila.
